قالها احمد نجم كلمة سديدة
نؤيد سيادتك لفترة جديدة
لكن الفترة ليست سعيدة
خلِّت بلادنا علي الجريدة
بعد ما باعوا الحديدة
بعد ما نقلتوها جوه الحدود
قللتم مساحة بلدنا المعهودة
لم نؤيد لفترة جديدة
لكن العسكر خدوها عادة
دول بيحبوا السلب بزيادة
متنَّحين احترفوا البلادة
بيفننوا ازاي تكون حرامي
مش مهم عندهم الاسامي
المهم زعيم المنصر عصامي
مسنود عل زنده ما يحب حد يعانده
اصله مدَّاري حرامي لكن داري
بتهدوا ليه داري يا ولاد الملاعين
ان اللي حواليه شايفه بس خايفه
بيفنن القوانين للسلب والتطمين
شايفنا محتلين لارضه مش شاريين
لابد لها تقنين يا نطرد الساكنين
نهدم الدار مب نبقي اي جدار
ومساجد الاهالي والمصلين
لا يرعي للدين ذمة
ولا يتمسك بنص كلمة
فاقد الشهامة والهمة
بيكره العمة بدو نعيش ضلمه
وان صرخت من قهري
يكسروا ضهري
يدوني بالجذمة
يلحسونا البيادة
احنا عبيد وهما السادة
كرهت مصريتي وحتي عربيتي
الكل خان قضيتي ويساند الملاعين
آسف إني جبان اصلي مش انسان
مش هفتح بقي ابد
غير عند دكتور الاسنان
م الصبح هقطع اللسان
واعيش في زمن خرسان
وهسد كمان الودان
بس ياريت يرضوا اعيش
معاهم ما هو انا مصري برضو
وهصلي في البيت او الغيط
بعد ما بطلت في مالطة الاذان
ش/علي عبدالله آل العتامنة
الاحد13/9/2020
ليست هناك تعليقات:
إرسال تعليق