قصيدة غنائية

فاكراك ومش هانساك                       ياللي الهوي نســـاك
                        عشق قلبي وغرامه
وازاي انا انسي هواك                      ياللي بتجود بهـــواك
                        علي الحبيب وهيامه
يا تري فاكرني واللا ناسيني              ياللي بحبـك تداويني
                        عليل الحب وسقامه
وازاي وانت هاجرني                     تخللي قلبك يســعدني
                        ضم حبيبك اشفي غرامه
هايمان بك وبجمالك                      ياللي عنيا بتقـــرالك
                       سحــر الهــوي والامـه
حبك نبضات تكهرب عروقي         صبحي وشمسي وشروقي
                      باعيش بالحب واحلامه
ابص اشوفك عشان الاقيك            اسعد فؤادي اتهني بيك
                     سحر عنيك دايما أدامه
في بعدك باصبر نفسي بخيالك       دا بعدك بيشدني وهيامك
                    ما انساش ولا كلمه من كلامه
ليه ما بترحمش ولا تبعدش           ليـه اكلمـك ولا تسـألـش
                     ليه تعذبني بالحب وفراقه
اوعي تقول مهاجر وتسيبني         تقول باتاجر بكلامي وتعذبني
                    اوعي تكويني بالخصام وعذابه
بايمني دايما اشوفك معايا            باتمني تعيش مش بس جوايا
                   ونعيـش الحـب بلياليـه وايامـه
فـرح قلبي القـرب مـره               نعيـش الحـب ونسـتني بكـره
                   ده كل ما يتمناه عليل غرامه