ما كفايا بعادك مغلبني وكفايا عذابي يأنبني
ليه منك عايز تحرمني ليه بعنادك عيز تبعدني
واللا اقولك انا مش زعلان منك
دي نار الحب بتلهلب ببعادي عنك
بس بعاد من غير هجران او هجر من غير نسيان
ببعادك بآسي نار الحرمان مش عاوزك تخليه هجران
دا انا بحبك عليل هيمان دا انا ببعادك محروق دبلان
واللا اقولك انا بحبك راح اعيش لك
وانا ببعدك مش ممكن اعيش بعدك
الدنيا ثوامي قضيها معايا وانا اسقيك من كاس هنايا
واجمعلك باقات الورد هدايا تسقيك ريحتها وتردد صدايا
وانثر لك علي الارض بقايا من سحرك اللي عايش جوايا
واللا اقولك دا انا جنبك راح اسعدك
ولو بعدتني عنك مش ممكن انا ابعدك
لما اشوفك تبتسم بتسعدني ولما تبعد بتلهلبني وتعاقبني
يا خوفي من البسمه لتخدعني ويا فرحي لو من البعد ترجعني
دي البسمه منك تحييني وابعد عنك يقتلني ويضنيني
واللا اقولك قول لقلبك ليه قلبي يسرقك
مش انا اللي سرقتك ليه قلبك يخدعك
رعلي قلبي ارد قلبك اصلي بحبك ما اسبش قلبك لك لوحدك
مهما تبعد عني وتهرب مني بتعيش في قلبي مش ممكن اطلعك
روح يا عذاب انا قلبي داب انساني ما تعود تاني دا انا قلبي طلقك
ليست هناك تعليقات:
إرسال تعليق